Թումոյի նախագծերի ղեկավար Շուշան Դրոշակիրյանը և չորս Թումո ուսանողից բաղկացած իր թիմը ավարտեցին ևս մեկ ընդհատվող շարժումով անիմացիա: Նրանք անցկացրին չորս ծանր աշխատանքային շաբաթ ՝ օգտագործելով թղթից կտրատված ձևեր և նկարազարդված ֆոն:

Անիմացիայի հերոսն է Թումոյի երաժշտական թիմի անդամ Սարո Փափարյանը, ով ծնվել և մեծացել է Կալիֆորնիայում: Նա պատմում է այն մասին, թե ինչպես էր պատանի ժամանակ Սանտա Մոնիկայում լրացուցիչ աշխատանք կատարում, որպեսզի կարողանար գնել իր երազած սերֆինգի տախտակը և հոր հետ սահել ալիքներով:

Եվս մեկ անիմացիոն նախագիծ ավարտեց Թումոյում որը վարում էր Ատամ Ռաշոն: Ատամը, Անգուլեմի հայտնի անիմացիոն դպրոցի շրջանավարտ է, և արդեն երկրորդ անգամն որ Թումոյում անցկացնում է ավանդական անիմացիայի դասընթաց:

Այս դասընթացները համալրում են Թումոյում անցկացվող հիմնական դասընթացների ծրագիրը և տալիս հնարավորություն երիտասարդներին ընդլայնել իրենց անիմացիոն հմտությունները:

Այս անգամ խումբն աշխատեց շարժման միջոցով փոխանցել կերպարի տրամադրությունը: Յուրաքանչյուր մասնակից ընտրեց մի կերպար և իրավիճակ: Ապա նկարելով անիմացիայի հիմնական կադրերը տարանցեց ստեղծելով մեկ անիմացիոն դրվագ: Պատանիները իրականացրել են իրենց անիմացիոն կտորները Adobe Flash ծրագրով:

{phocagallery view=tags|tagsid=71,}

Չորս շաբաթների ընթացքում Թումո պատանիները ծանոթացան դերասանական արվեստի հմտություններին դերասանուհի Անի Նինայի ղեկավարությամբ:

Առաջին երկու շաբաթներում մասնակիցներն ուսումնասիրեցին տարբեր ժանրերի մենախոսություններ՝ հղկելու իրենց բեմական կեցվածքն ու արտասանական հմտությունները: Իսկ հաջորդ երկու շաբաթները մասնակիցները նվիրեցին ֆիլմերի սցենարներ ընտրելով և բեմականացնելով տարբեր իմպրովիզացիաներ:

Վերջնական արդյունքներն ամփոփվեցին մասնակիցների տարբեր ժանրերի ստեղծագործությունների ներկայացմամբ: Երիտասարդ դերասանները խաղացին դրվագներ ինչպես դասական այնպես էլ հայկական ֆիլմերից: 

Նկարազարդող Տիգրան Մանգասարյանը Թումոյում անցկացրեց կոմիքսային պատմությունների ստեղծման դասընթաց: Խումբը պատրաստեց նկարազարդված պատմությունների շարք Երևանյան պատմությունների շուրջ:

Առաջին հերթին մասնակիցները մշակեցին, հին ու նոր, իրական և հորինված պատմություններ Երևանի մասին և կառուցեցին կոմիքսի սյուժեն: Հեղինակներից մի քանիսը ընտրեցին հենց իրենց կյանքից դրվագներ, իսկ ոմանք էլ ընտրեցին դրվագներ քաղաքի պատմությունից:

Պատմությունը ընտրելուց հետո մասնակիցներն աշխատեցին Տիգրանի հետ ձևակերպելով երկխոսությունների կառուցվածքը, համընթաց պատկերաշարին: 9 էջի սահմաններում կոմիքսները պատկերվեցին օգտագործելով Photoshop ծրագիրը և Bamboo գրասալիկը:

{phocagallery view=tags|tagsid=55,}

Եռաչափ մոդելավորման դասընթացը Թումոյում անցկացվող հիմնական դասընթացների շարքից է, որի ընթացքում մասնակիցները սկսում են տիրապետել մոդելավորման հիմնական մեթոդներին և անցնում եռաչափ մարմինների կառուցման փուլերով:

Օգտագործելով Maya 3D ծրագիրը՝ դասընթացի մասնակիցները չորս շաբաթների ընթացքում ծանոթանում են մոդելավորման գործիքներին և ընտրելով օբյեկտ՝ կառուցում իրենց առաջին մոդելն՝ օգտագործելով այնպիսի գործիքներ ինչպիսիք են մամլելու գործիքն, ուրվագծերի խմբագիրը, պոլիգոնների հետ աշխատելու տարբեր գործիքները:

Դասընթացի ավարտին մասնակիցը համալրում է իր էլեկտրոնային պորտֆոլիոն եռաչափ մոդելով:
Իսկ դեկտեմբեր ամսից Թումո անդամները հնարավորություն կունենան մասնակցելու եռաչափ մոդելավորում երկրորդ մակարդակի դասընթացին, որի ընթացքում մասնակիցները կզարգացնեն իրենց հմտությունները եռաչափ մոդելավորման ոլորտում և կկառուցեն ավելի բարդ մարմիններ ինչպես նաև կուսումնասիրեն տեսախցիկի և լույսի աղբյուրների նշանակությունը նյութավորման գործընթացում:

Ստորև կարող եք ծանոթանալ դասընթացի մասնակիցների աշխատանքներին:

{phocagallery view=tags|tagsid=46,}

ֆիլմի լեզու դասընթացը, որը ղեկավարում էին Շահանե Յուզբաշյանը և Վիգեն Գալստյանը Թումո անդամներին հնարավորություն ընձեռեց կարճ ժամանակահատվածում մշակել և նկարել կինեմատոգրաֆիկ դրվագներ:

Մասնակիցները դասընթացի ընթացքում հասցրեցին դիտել համաշխարհային ֆիլմադարանի նմուշներ, քննարկել և վերլուծել դրանք: Այնուհետև նրանք բաժանվեցին 6 խմբի,գրեցին սցենարներ հիմնված նույն երկխոսության վրա և նկարահանեցին 6 տարբեր պատմություններ:

Դասընթացի ընթացքում մասնակիցները բացահայտեցին ֆիլմերում երկխոսության ստեղծման և տեսախմբագրման հիմնական օրենքները և կիրառեցին գիտելիքները ստեղծելով իրենց դրվագները: Հիմնական ուսումնական կետերն էին՝ սյուժեի զարգացումը երկխոսության կտրանցման ձևերի միջոցով, և պատկերաշարի ուղեկցությամբ բովանդակության շեշտումն ու կերպարների բացահայտումը:

Ստորև ներկայացնում ենք լուսանկարներ ֆիլմերի արդյունքների ներկայացման միջոցառումից:

{phocagallery view=tags|tagsid=45,}

Չորսշաբաթյա ծրագրավորման դասընթացը սկսնակ մակարդակի Թումո անդամներին հնարավորություն ընձեռեց ծրագրավորել և ստեղծել տեսախաղեր: Օգտագործելով GameMaker ծրագիրը մասնակիցները կարողացան մշակել և ստեղծել իրենց երկչափ պլատֆորմային խաղերը:

GameMaker ծրագրի գործիքներին ծանոթանալուց հետո նրանք ծրագրի միջոցով ստեղծեցին սկսնակ բարդության խաղ հիմնվելով պլատֆորմային խաղի ժանրի վրա: Այս ամենը մասնակիցներին հնարավորություն տվեց զարգացնել իրենց խաղերի ծրագրավորման տրամաբանությունը, դիզայնի գիտելիքները, իրերի շարժման տեխնիկան և նրանց բախման ընթացքը:

Երկրորդ փուլում մասնակիցները օգտագործեցին իրենց գիտելիքները ստեղծելու իրենց սեփական խաղը: Նրանք գրեցին սցենարը հետո նկարեցին կերպարները, ստեղծեցին նրանց հագուստները, մշակեցին խաղի կանոնները և ղեկավարման պայմանները:

Ստորև ներկայացված են մի քանի խաղի օրինակներ մշակված դասընթացի մասնակիցների կողմից:

Լիբանանյան Սաֆար գործակալության մասնգետներ Հատեմ Իմամը, Մայա Մոումնեն և Մարալ Միկիրդիչեանը Թումոյում անցկացրին ինֆոգրաֆիկայի մեկշաբաթյա ինտենսիվ դասընթաց: Դասընթացը կենտրոնացած էր Երևանի երիտասարդների ետդպրոցյան կյանքին և հիմնված էր նրանց ժամական գործողությունների արձանագրության վրա:

Մինչև դասընթացի վարողների ժամանումը, պատանիները մեկ շաբաթվա ընթացքում արձանագրեցին իրենց ժամական գործողությունները, տեղաշարժումները քաղաքում և շփումը ընտանիքի անդամների, ինչպես նաև այլ մարդկանց հետ: Ապա նրանք զտեցին հավաքված տեղեկությունները և անցան դասընթացի հաջորդ փուլին:

Վիճակագրությունը քարտեզագրելուց անմիջապես հետո աշխատանքային խումբը անցավ տվյալների պատկերման փուլին: Մասնակիցները բաժանվեցին չորս խմբի՝ Ժամանակ, Մարդիկ, Գործունեություն, Տեղանք: Խմբերից յուրաքանչյուրը պատրաստեց մեկական պաստառ՝ հիմնված իրենց թեմայի օրինչափությունների և հիմնական ուղղությունների վրա:

Պաստառները ներկայացրին պատանիների քաղաքային առօրյան արտացոլող վառ և պատկերավոր հայացք՝ ցուցադրելով այն գործողությունները, որոնց մեջ ներգրավված են երիտասարդները՝ դասակարգված ժամանակով, աշխարհագրական դիրքով և դեմոգրաֆիկ առանձնահատկություններով:

Դասընթացին մասնակցեցին նախկինում գրաֆիկական դիզայնի այլ նախագծերում ընդգրկված Թումո անդամներ, ինչպես նաև Երևանի Պետական Գեղարվեստի Ակադեմիայի ուսանողներ:

2013 թ. աշնանը Թումոյում կայացավ լուսանկարչության հիմունքների աշխատարան, որը ուսանողներին ծանոթացրեց DSLR խցիկների աշխատանքին և պատկերը կատարելագործելու ֆունկցիոնալ կարողություններին:

Աշխատարանում քննարկված թեմաներն էին ոսպնյակների բացվածքը,փականի արագությունը և ISO-ը: Նման պարամետրերի հիմնական սկզբունքները յուրացնելուց հետո ուսանողներն աշխատեցին զույգերով՝ լուսանկարելով տարածքում և փորձարկելով լույսի կառավարման տարբեր տեխնիկաները: Ապա խմբերով գնահատեցին իրենց աշխատանքներն ու ընտրեցին լավագույն կադրերը վերջնական ներկայացման համար:

Մոտ 200 պատանիներ մասնակցեցին չորս շաբաթ տևողությամբ երկու դասընթացների: Բացի պրոֆեսիոնալ խցիկի օգտագործման ձևերը սովորելուց, նրանք նաև ծանոթացան տեխնիկապես լավ պատկեր ստանալու հիմնական սկզբունքներին: 

Ահա մի քանի օրինակներ աշխատարանի ուսանողների լուսանկարներից.

{phocagallery view=tags|tagsid=43,}

Ավելի քան 200 պանանիներ ներգրավված էին 2 շաբաթ տևողությամբ բազմաբնույթ դասընթացին, որը վարում էր Բեյրութից ժամանած Waraq արվեստագետների խումբը: Մասնակիցները պատմողական և կատարողական արվեստները համադրեցին տարաբնույթ մեդիաների հետ, ստանալով ինտերակտիվ պատմողական միջավայր Թումոյում:

Նոյի պատմության վրա հիմնված սցենարը մշակելուց անմիջապես հետո, դասընթացի մասնակիցները բաժանվեցին հինգ խմբերի, որոնք աշխատում էին դրամատուրգիայի, թղթե դիմակների, մարմնի շարժման և պիքսելացիայի, խառը մեդիայի և ինտերակտիվ վիդեո ներկայացման վրա: Վերոնշյալ յուրաքանչյուր ոլորտը ուսուցանվում էր տարբեր մասնակիցների խմբերին, ովքեր օգտագործում էին ստացված գիտելիքները տեղծելու ամբողջական ներկայացումը:

Ամեն խումբ ընտրեց մի սենյակ, որտեղ և անցկացվեց ներկայացման իրենց բաժինը:

Արդյունքը եղավ մի բեմականացում, որը համակցվում էր ձայնային, վիդեո և խաղային ներկայացմամբ: Հանդիսատեսին ուղեկցում էին դասընթացի մասնակիցներն ովքեր հանդիսանում էին թե՛ նախագծի ստեղծողները, թե՛ դերասանները:

{phocagallery view=tags|tagsid=41,}

Սեպտեմբեր ամսին Թոմաս Լորանը և Վլադիմիր Նախբաուն՝ Ֆրանսիայի ENJMIN խաղերի և ինտերակտիվ մեդիա դպրոցից, ժամանել էին Թումո՝ վարելու խաղերի ստեղծման հիմունքների մեկամսյա դասընթաց։

Նրանք պատանիներին ներկայացրեցին Construct 2 մատչելի խաղային հարթակը, որի օգնությամբ հնարավոր է ստեղծել 2D խաղեր առանց բարդ կոդերի իմացության։

Ծանոթանալով ծրագրին՝ մասնակիցները փորձեցին ստեղծել «Սոկոբան» տեսախաղի իրենց տարբերակը սկսնակների համար։ Մասնակցելով այս գործընթացին՝ նրանք ճանաչեցին ոչ միայն ծրագրավորման և դիզայնի հիմունքներն, այլ նաև սովորեցին՝ ինչպես համակցել գրաֆիկան և ձայնը և խաղացողների առաջընթացին համընթաց ավելի բարդացնել խաղը։

Այնուհետև պատանի մասնակիցները աշխատեցին փոքր խմբերում՝ ստեղծելու իրենց խաղը scratch-ի միջոցով: Աշխատելով դասընթացի ղեկավարների հետ մասնակիցները մշակեցին իրենց սեփական կոնցեպտները, խաղային հարթակները և կեպարները ներկայացնելով դրանք բազմահարթակ երկչափ խաղի մեջ:

Ահա դասընթացի մի մասնակցի աշխատանք: 

Ամռան 2 շաբաթների ընթացքում դիզայներ Նաչո Մարտին և Թումո ուսանողները ստեղծեցին լուսանկարների շարք համադրելով թվային և արհեստների աշխարհները: Դասընթացի մասնակիցները նախագծեցին և պատրաստեցին 3 տարբեր pinhole տեսախցիկներ և լուսանկարեցին Թումոյի շրջակայքը: Ստենոպ տեսախցիկը լուսակայուն խցիկ է՝ փոքրիկ անցքով, որը հիմնված է տեսախցիկի մթության սկզբունքով նկարելու վրա: Հերմետիկ տուփերի վրա արված են ասեղի հաստությամբ անցքեր , որոնց միջով ներս է թափանցում լույսը՝ արտացոլելով տուփից դուրս գտնվող տեսարանը և լուսանկարում այն:

Թումոյի ուսանողները մի քանի ձևաչափի ստենոպ խցիկների օգնությամբ նկարահանեցին Թումոյի շրջակայքը: Արտացոլվելով խցիկի ներքին մակերեսի վրա յուրահատուկ փոխակերպված պատկերները նկարահանվեցին թվային տեսախցիկի միջոցով: Այպիսով միաժամանակ օգտագործվեցին թե՛ թվային, և թե՛ անալոգ միջոցներ:

Դասընթացը մեկնարկեց եռաչափ մոդելների նախագծմամբ Rhino ծրագրի միջոցով, որտեղ մասնակիցները ստացան տարբեր խցիկների ձևերը: Պարամետրիկ մոդելավորման շնորհիվ մասնակիցները պատրաստեցին խցիկների հոդերը՝ տեսախցիկի յուրահատուկ ձևը ստանալու համար: Այնուհետ եռաչափ տպիչների օգնությամբ նյութականացրեցին մասերը: Մասնակիցները հավաքեցին լուսաքողարկված խցիկները օգտագործելով փայտ, կտոր և վինիլային թաղանթ:

Միաժամանակ խցիկների արտադրման և նկարահանման ընթացքում ուսանողները բացահայտեցին եռաչափ մոդելավորման, օպտիկայի և լուսանկարահանման հիմնական գաղափարները, ինչպես նաև ձեռք բերեցին արհեստի հմտություններ: Ոչ պակաս կարևոր դասընթացի մաս էր կազմում պլանավորման հմտության ձեռք բերումը, թիմային աշխատանքը և կարճ ժամանակում ստեղծարար լուծումներ տալու կարողությունը: 

{phocagallery view=tags|tagsid=35,}

Տասնհինգ ուսանողներ մասնակցեցին դիզայնի մասին երկշաբաթանոց աշխատարանի, որ վարում էր Լիլիթ Բեգլարյանը: Մասնակիցներն ուսումնասիրեցին արվեստի հիմունքները և վարպետացան բազմակողմանի տեսողական պահոց ձևավորելու մեջ, որ կօգնի զարգացնել երևակայությունը և ձևավորման գաղափարները:

Նրանք սովորեցին դիզայնի հետևյալ սկզբունքները՝ գծային նկարչություն, ուղեցույցներ (references), նկարչական ներշնչանք շրջապատող աշխարհից: Կիրառելով այս հմտությունները՝ նրանք արձագանքեցին դիզայնի զանազան հուշումների, ինչպիսին է Rescue Equipment-ը՝ ավարտելով երկշաբաթյա աշխատարանը՝ հղկելով և ներկայացնելով իրենց ձևավորումները Photoshop-ով: