Ինստալյացիաների ստեղծման հայտերի ընդունում
Տվյալ փուլի համար վերջնաժամկետն ավարտված է:
Թումո ստեղծարար տեխնոլոգիաների կենտրոնը հայտարարում է
ինստալյացիաների գաղափարների հայտերի ընդունում, որը
կիրականացվի Թումոյի ուսանողների հետ անցկացվող դասընթացի
շրջանակներում: Ինստալյացիայի նպատակն է աջակցել տեխնոլոգիաների
և արվեստի խաչմերուկում ստեղծագործելու Թումոյի նախաձեռնությանը,
ոգեշնչել Թումոյի պատանիներին և աշխատակիցներին ինպես նաև
իրականացնել կրթական ծրագիր:
Առաջարկված գաղափարներից կընտրվի մեկը: Մասնակցությունը բաց է բոլոր ստեղծագործողների, նորարարների, մեդիա մասնագետների, նկարիչների, համադրողների, ճարտարապետների համար: Առաջարկները կգնահատվեն ըստ դրանց իրագործելիության, գեղարվեստականության, տեխնոլոգիաների ներգրավման, արժեքային մրցունակության չափանիշների, ինչպես նաև հաշվի կառնվի այն, թե Թումոյի ուսանողները որքանով գործնականորեն ներգրավված կլինեն նախագծին: Ինստալյացիան կիրականացվի 2015թ.-ին:
Ինստալյացիոն տարածքի չափերն են՝ 110 մետր քառակուսի՝ 10.5 մետր բարձրությամբ:
Մանրամասները կարող եք տեսնել այստեղ՝.
Խնդրում ենք տրամադրել ինստալյացիայի և նախագծի նկարագիրը, որը ցանկանում եք առաջարկել (առավելագույնը 800 բառ), նաև դասընթացի և ինստալյացիայի իրականացման ժամկետները: Այն պետք է ներառի աշխատանքի և ծրագրի հիմնական դրույթները և Թումոյի ուսանողների ներգրավվածության նկարագրությունը: Ընդգրկեք նաև առնչվող լուսանկարներ, տեսանյութեր՝ ձեր գաղափարն ավելի պատկերավոր արտահայտելու համար:
Ինստալացիայի և դասընթացի ընդհանուր բյուջեն 20.000 դոլարին համարժեք դրամ է և
ներառում բոլոր նյութերն և ծախսերը: Խնդրում ենք տրամադրել
բյուջեի ձեր պատկերացումը, նշել, թե ինչպես եք օգտագործելու այն և
ինչպիսի բաժանումներով: Նկատի ունեցեք, որ բյուջեները գնահատվելու են
արժեքային մրցակցության համար:
Գաղափարի առաջարկները պետք է ուղարկել workshops@tumo.org
էլ. հասցեին մինչև 2015 թ. մարտի 1-ը՝ ժամը 18:00-ն: Վերնագրի դաշտում նշել՝ «Tumo
Installation Proposal» և վերբեռնել նյութերը .pdf ֆայլով:
Թումոն տեղակայված է Երևանում: Այն նորարար ուսումնական միջավայր է, որտեղ սովորում են 12-18 տարեկան հազարավոր ուսանողներ: Նրանց ուղղորդում են դասընթացավարներ ու մեդիա մասնագետներ: Այստեղ ուսանողներն առաջ են գնում իրենց անհատական ուսումնական ծրագրով իրենց համար ստեղծած վիրտուալ աշխարհում: Թումոյի մասին ավելին տեղեկանալու համար այցելեք www.tumo.org կայքը: