Այսօր Ճապոնիայի արտաքին գործերի պետնախարար Մինորու Կիուչիի գլխավորած պատվիրակությանը:

 

Թումոյի տնօրեն Մարի Լու Փափազյանը ծանոթացրեց հյուրերին Թումոյի յուրահատուկ ուսումնական ծրագրին՝ նրանց հրավիրելով շրջելու կենտրոնով և անձամբ տեսնելու միջավայրը և ծրագրերը: Նրանք շփվեցին պատանիների, մարզիչների և դասընթացավարների հետ՝ մոտիկից ծանոթանալու նրանց ուսումնառությանը Թումոյում:

 

Հյուրերը քննարկեցին կրթության դերը Հայաստանում և Թումոյի կարևորությունը պատանիների համար: Մարի Լուն խոսեց Թումոյի առաքելության մասին՝ ընդլայնելու երիտասարդների մտահորիզոնը և տրամադրելու նրանց ռեսուրսներ իրենց ողջ ստեղծագործական ներուժը բացահայտելու համար:

 

Պարոն Մինորու Կիուչին իր հիացմունքը հայտնեց կենտրոնի՝ պատանիներին ընձեռած հնարավորությունների հանդեպ: Նա առաջարկեց փոխանցել ամբողջական տեղեկությունը և կոտնակտային տվյալները նորաստեղծ Ճապոնիայի դեսպանությանը Հայաստանում հետագա համագործակցության նպատակով:

 

 

{phocagallery view=tags|tagsid=105,}

 

Շաբաթ և կիրակի օրերին 250-ից ավել հյուրեր մասնակցեցին Թումոյում անցկացվող Գուգլ DevFest միջոցառմանը, որը կազմակերպվել էր Հայաստանի Գուգլի ծրագրավորողների խմբի կողմից: Երկու օրյա կոնֆերանսի ընթացքում կայացան բանախոսների զրույցներ, քննարկումներ բաց աղբյուրների տեխնոլոգիաների վերաբերյալ:

 

DevFest միջոցառումը հարթակ է կազմակերպությունների և ֆիզիկական անձանց համար, ովքեր հետաքրքրված են օգտագործելու Գուգլի տեխնոլոգիաները և պատրաստ են կիսել իրենց գաղափարներն ու նախագծերը: Այս տարի միջոցառմանը մասնակցեցին այնպիսի խոսանակներ, ինչպիսիք են՝ ձեռնարկատեր Ալ Եսայանն, ով խոսեց ստեղծարարության խթանման մասին, Ամուր Ավագյանը, ով խոսեց Google Speeds-ի մասին, Թումոյի խորհրդի անդամ և Bazillion Beings ընկերության հիմնադիր Բեկոր Փափազյանը, ով խոսեց էվոլյուցիոն մեքենաների մասին, Գուգլի ծրագրավորող Արամ Այվազյանն, ով ներկայացրեց Google Fit-ը, Երվանդ Սարգիսյանը Granatus Ventures-ից, ով խոսեց ստարթափների ներդրումների մասին և Սերիկ Բեյսենովը Օմսկ Գուգլի անդամ, նա խոսեց Android Lollipop-ի մասին:

 

DevFest-երը համայնքային միջոցառումներ են՝ կազմակերպված Գուգլի ծրագրավորողների խումբի կողմից ողջ աշխարհով մեկ: Յուրաքանչյուր DevFest եզակիորեն հարմարեցված է ծրագրավորողների այն համայնքի կարիքներին, որն հյուրընկալել է: DevFest ներշնչված է այն ընդհանուր համոզմունքով, որ մեծ գործեր կարող են իրականություն դառնալ, երբ ծրագրավորողները համախմբվում են մտահղացումներ փոխանակելու համար:

 

 

Նոյեմբերի 21-ից մեկ շաբաթվա ընթացքում Թումոյում կցուցադրվեն եռաչափ անիմատոր Առնաբ Չաուդուրիի մեկ ամսվա դասընթացի արդյունքները:

 

Մասնակիցները սկսեցին դասընթացը՝ ստեղծելով  անիմացիոն տեսարաններ և պատմատախտակներ ավանդական թուղթ ու մատիտով: Այս փուլից հետո պատանիներն ուսումնասիրեցին երկչափ անիմացիայի տեխնիկան, իսկ պատմատախտակները վերածեցին թվային անիմացիոն դրվագների: Յուրաքանչյուր մասնակից ստեղծեց հայկական այբուբենի թեմայով իր պատմությունը իր երկչափ անիմացիոն կերպարներով:

 

Ցուցահանդեսը կընդգրկի ձեռքով նկարված պատմատախտակներ, ինչպես նաև պատանիների ավարտական կարճ տեսահոլովակերը: Մուտքն ազատ է:

 

 

 

Այսօր Թումոն հպարտ էր հյուրընկալել iRobot կորպորացիայի փոխնախագահ և տեխնոլոգիաների գլխավոր մասնագետ Պաոլո Փիրջանյանին, նրա տիկնոջը և երկու որդիներին: iRobot-ը աշխարհի ամենաճանաչված ռոբոտների ստեղծման ընկերություններից է և հայտնի Roomba տնային մաքրման համար ստեղծված ռոբոտների հեղինակը:

 

Փիրջանյանը ծանոթացավ Թումոյի ուսումնական ծրագրին, միջավայրին, տեսավ եռաչափ տպագրման դասընթացի արդյունքները, ինչպես նաև ճանաչեց կենտրոնի ուսումնական բովանդակությանը և մեթոդներին: Նրա այցելությունը շարունակվեց Թումոյի ռոբոտաշինության աշխատասենյակ այցելությամբ, որտեղ այդ պահին Թումոյի ամառային ճամբարի պատանիները սովորում էին ստեղծել ինքնակառավարվող մարմիններ՝ օգտագործելով Lego Mindstorms-ի ռոբոտաշինական հավաքածուն:

 

Ռոբոտաշինության ներկայի և ապագայի մասին Փիրջանյանի մտքերին կարող եք ծանոթանալ այստեղ:

 

 

 

Հունիսի 1-ին՝ երեխաների պաշտպանության միջազգային օրը, Թումոն երրորդ անգամ հյուրընկալեց TEDxKids@Yerevan միջոցառումը: Միջոցառմանը ներկա գտնվեցին ավելի քան 300 պատանի Երևանից և Հայաստանի տարբեր մարզերից, և առաջին անգամ նաև խոսնակ Վրաստանից: TEDxKids@Yerevan-ը խրախուսում է պատանիներին անրադառնալ իրենց մտահոգող և հուզող խնդիրներին, որոնց մասին հարկավոր է բարձրաձայնել: Քսաներկու մասնակիցներն, որոնց տարիքային սանդղակը 10-18-ն էր խոսեցին տարբեր թեմաների մասին ինչպիսիք են՝ սոցիալական տարբեր ճնշումները երեխաների նկատմամբ, դպրոցներում առողջ սնունդը, սեռային տարբերակման պատճառով կատարված հղիության ընդհատումները, ժպիտի ուժը և անհաջողությունների պատճառով չհանձնվելու կարևորությունը:

 

 

Քսաներկու խոսնակներից բացի ներկա գտնվող պատանիները նույնպես հնարավորություն ունեցան խոսելու իրենց հուզող խնդիրների մասին «Open Mic» -ի շրջանակներում: Մասնակիցներից մեկը խոսեց դպրոցներում ընկերներին աջակցելու կարևորության մասին: Մի քանի պատանի Վրաստանից ժամանել էին Հայաստան ներկա գտնվելու միջոցառմանը, սակայն հնարավորությունը բաց չթողեցին մասնակցելու «Open Mic»-ին և մեկ րոպե խոսելու իրենց հուզող խնդիրների մասին: Եվ այն հարցին, թե ինչու են ցանկացել մասնակցել TEDxKids@Yerevan միջոցառմանը, բոլորը միաձայն փաստեցին, որ ցանկանում են իրենց ասելիքը ներկայացնել նաև միջազգային հարթակում:

 

Այս տարի TEDxKids@Yerevan միջոցառումը բացառիկ էր նրանով, որ ամբողջ կազմակերպչական ընթացքը կատարվել էր Թումոյի TED-Ed Club-ի մասնակիցների կողմից, որոնք անցել էին հատուկ կազմակերպչական հմտությունների դասընթաց:

 

 

 

Մայիս ամսվա վերջին շաբաթը Թումո ստեղծարար տեխնոլոգիաների կենտրոնում հիփ- հոփ խրախճանք էր: Հայաստանի լավագույն հիփ-հոփ պարողները հավաքվել էին ցուցադրելու իրենց պարային հմտությունները: «Անսահման հիփ հոփ» մրցույթի շրջանակներում Հայաստան էին ժամանել հանրահայտ Soul Street Dance պարային քառյակը, ովքեր անցկացրեցին նախընտրական փուլեր ինչպես Երևանում, այնպես էլ Չարենցավանում և Վայքում:

 

 

19 ընտրված մասնակից հնարավորություն ստացան խմբի տղաների հետ մասնակցելու հատուկ վարպետության դասերի Երևանի Թումոյում: Նշենք, որ նախագիծը իրականացնում է Թումոն ԱՄՆ դեսպանության հետ համատեղ:

 

Երեք օրվա ընթացքում խմբի տղաների հետ միասին բեմադրեցին հետաքրքիր պարային շոու, որի ականատեսը դարձան հազարավոր հյուրեր՝ մայիսի 28-ին Թումոյի հարակից պուրակում տեղի ունեցած պարային գունեղ շոուի ընթացքում: Սակայն այս ամենով մրցույթը չի ավարտվում. լավագույն մասնակիցներին դեռ սպասվում է ուղևորություն հուլիսի 20-26-ը Բաթումում կայանալիք տարածաշրջանային պարի ակադեմիային մասնակցելու համար և ներկայացնելու Հայաստանը:

 

 

Մայիսի 21-ին, Թումոն հյուրընկալեց ավելի քան 150 հյուրի Հայաստանում Եվրոպայի օրվա առիթով: Բազմաթիվ հասարակական և պետական գործիչներ հավաքվեցին տոնելու այս օրը:

 

Ամբողջ երեկո ելույթ էր ունենում Հայաստանի պետական երիտասարդական նվագախումբը, իսկ Թումոյի Թմբա-Թա նվագախումբը՝ գումարելով ուժերը բրիտանացի hand pan թմբկահար Դենիել Ուեյփլսի հետ՝ կատարեց նրանց հեղինակային գործերը: Հայաստանում ԵՄ պատվիրակության ղեկավար Թրայան Հրիսթեան, ՀՀ նախագահի աշխատակազմի ղեկավար Վիգեն Սարգսյանը և Թումոյի տնօրեն Մարի Լու Փափազյանը ելույթ ունեցան՝ շեշտելով Եվրոպայի և Հայաստանի համագործակցության կարևորությունը:

 

 

Համերգը այս շաբաթ Երևանում և Գյումրիում անցկացվող Եվրոպայում խաղաղությունն ու միասնականությունը տոնելու միջոցառումներից մեկն է:

 

 

Մայիսի 7-ին Թումոյում տեղի ունեցավ Սթիվ Ջոբսի կենսագրական գրքի շորհանդեսը:  Վալտեր Այզեքսոնի հեղինակած  գիրքը այժմ հասանելի է  հայերենով ԱՄՆ դեսպանատան նախաձեռնությամբ և Անտարես մեդիա հոլդինգի իրականացմամբ: Միջոցառումը մեկնարկեց ԱՄՆ դեսպան՝ Ջոն Հեֆերնի խոսքով, որի ընթացքում դեսպանը ողջունեց հյուրերին և անրադարձավ գրքում տեղ գտած կարևոր ուղերձներին: 

  

 

Միջոցառմանը հետաքրքիր շունչ հաղորդեց Թումո պատանի Արամայիս Ամիրբեկյանը, ով հատուկ այս միջոցառման համար պատրաստել էր կարճ ներկայացում, Ջոբսի կյանքի կարևորագույն փուլերի մասին: Միջոցառումը ամփոփվեց  Ջոբսի պատկերով խորհրդանշական տորթի համտեսմամբ:

Հիշեցնենք, որ Սթիվ Ջոբսի գիրքը հայերեն տպագրվել է 1000 օրինակով և նախատեսված չէ վճառքի համար, այն կտրամադրվի  Հայաստանի ուսումնական հաստատություններին՝ նորագույն տեխնոլոգիաների հանդեպ  հետաքրքրությունը էլ ավելի խթանելու համար:

 

 

 

 

 

Շաբաթ օրը՝ ապրիլի 5-ին, DJ Օլիվեր Շայնը վարպետության դաս էր վարում Թումոյում: Առաջին մասը ներառում էր ժամանակակից էլեկտրոնային երաժշտության հիմունքները և բաց էր բոլոր Թումո պատանիների համար:

 

Երկրորդ մասը՝ հիմնական դասը նվիրված էր DJ-ական արվեստին և DJ Booth-ի կիրառմանը: Դասընթացի ընթացքում ներկայացվեց տեսանյութ, որտեղ պարզ ցուցադրվում էր, թե ինչպես ստեղծել երաժշտական միքս: Այնուհետև Օլիվեր Շայնը հրավիրեց պատանիներին՝ ստեղծելու կենդանի միքս բեմի վրա, ընթացքում կիսելով իր կարծիքը պատանիների հետ: Դասընթացն ավարտին Օլիվերն առաջարկեց մասնակիցներին ուղարկել իր էլ. հասցեով իրենց պատրաստած միքսերը, որոնցից նա կընտրի լավագույն տասը և կհրապարակի իր պաշտոնական կայքում:

 

Շվեյցարիայի դեսպան պարոն Լուկաս Գասսերը, ով նույնպես ներկա էր միջոցառմանը, առաջարկեց հաղթողների անունները հայտարարել Շվեյցարիայի դեսպանատան ոչ պաշտոնական հավաքույթի ընթացքում:

 

 

{phocagallery view=tags|tagsid=77,}

 

Մարտի 6-ին Թումոն հյուրընկալեց առաջին համաշխարհային StartUp Cup-ը, որը ճանաչեց լավագույն երեք բիզնես մոդելները Ռուսաստանից, Գանայից և Պակիստանից՝ վերջինս զբաղեցնելով առաջին տեղը: Աշխարհի յոթ ամենախոստումնալից ստարտափները հնարավորություն ունեցան, առցանց և կենդանի ձևով, ներկայացնելու իրենց բիզնես նախաձեռնությունները միջազգային ժյուրիին, որոնք հանդիսանում են աշխարհի տեղական StartUp Cup-երի ներկայացուցիչներ, և մրցելու հաղթողի կոչման համար:

 

Ս.թ. հունվար ամսին 21 երկրների տեղական ստարտափ մրցույթների հաղթողները մրցեցին առցանց հարթակում՝ համաշխարհային առաջնության համար հատկացված յոթ տեղերի համար: Այսօր գոյություն ունի StartUp Cup բիզնես մոդելի 68 մրցույթ՝ 57 տարբեր երկրներում:

 

Երևան քաղաքն ընտրվեց հետաքրքրություն ցուցաբերած այլ քաղաքների շարքից՝ հաշվի առնելով իր աճող ձեռնարկատիրական ներուժը: Պատահական չէր նաև առաջնությունը Թումոյում անցկացնելու ընտրությունը՝ որպես նորարարական և համարձակ նախաձեռնությունների կենտրոն, ուր պատանիների ներուժի բացահայտումը առաջնային է:

 

«Ես հավատում եմ մտքի ուժին, և այստեղ՝ Թումոյում, մենք ջանում ենք մեր պատանիներին զինել կարողություններով և օգնել նրանց բացահայտելու իրենց ամբողջ ներուժը և լինելու իրենց աճի և հաջողության սեփականատերը»,- երեկ մրցանակաբաշխության ժամանակ նշեց իր բացման խոսքում Թումոյի տնօրեն Մարի Լու Փափազյանը :

 

Միջոցառումը հագեցած էր ոգևորող ելույթներով կազմակերպիչների և ժյուրիի անդամների կողմից:
Համաշխարհային ճանաչում ունեցող հաջողակ ձեռներեց և խոսնակ Ջեֆ Հոֆմանը հատուկ խոսք ուղղեց ներկաներին՝ բացահայտելով հաջողակ ձեռներեցի տաս հիմնական գործոնները: Իսկ Շոն Գրիֆինը՝ StartUp Cup-ի հիմնադիրն ու գործադիր տնօրենը, յուրահատուկ և ինտերակտիվ պրեզենտացիա անցկացրեց Թումո սաների համար՝ պատանիների հետ կիսելով իր հաջողությանների ուղին և խրախուսելով նրանց լինել համարձակ և բացահայտել լավագույնն իրենց մեջ:

 

Համաշխարհային StartUp Cup-ի հայաստանյան կազմակերպիչներն են Upostrophe հիմնադրամը և Թումոն: Միջոցառման աջակիցներն են USAID-ի կողմից ֆինանսավորվող Միջազգային զարգացման գործակալության Ձեռնարկությունների զարգացման և շուկայի մրցունակության ծրագիրը («Ի-Դի-Էմ-Սի»), ինչպես նաև IAB ուսումնական կենտրոնը, «Այբ» դպրոցը, Deem Communications ընկերությունը, Printinfo ընկերությունը, AYWA-ն, Armenia StartUp Cup-ը, Միացյալ Նահանգների Ձեռներեցության համաշխարհային ծրագրի դեպարտամենտը և Կոֆմանի Ձեռներեցության համաշխարհային շաբաթը։

 

 

{phocagallery view=tags|tagsid=72,}

 

 

Այսօր Թումոյում ամփոփվեց «Ներառական կինոյի 60 վայրկյանները» ֆիլմերի ստեղծման դասընթացը, որի արդյուքնում ստեղծված տասներկու ֆիլմերից հաղթող ճանաչվեց երեքը։ Թումո սաներ Մարինե Գազազյանը, Տիգրան Ղալեչյանը, Մարիամ Բորեցյանը և Մարիա Սարգսյանը ստացան մրցանակներ փառատոնի աջակիցների կողմից։

 

Չորս օրերի ընթացքում դասընթացի ղեկավար կինոռեժիսոր Մեթ Հալսի ղեկավարությամբ 12 Թումո պատանիներ ծանոթացան ֆիլմերում ներառության թեմայի արտահայտման նրբություններին, ինչպես նաև ֆիլմի գաղափարը 60 վայրկյանում ներկայացնելու հմտություններին։

Ըստ Հալսի «շատ բարդ է նկարել 60 վարկյան տևողությամբ ֆիլմ կարճ ժամանակահատվածում և սահմանափակ հնարավորություններով ՝ այն է բջջայն հեռախոսով»։ Մասնակիցներից յուրաքնչյուրը ընտրել էր երկուական բառ, որոնք հիմք ծառայեցին իրենց ֆիլմերի թեմաների համար։

 

Որոշակի սահմանափակումներ դնելով մասնակիցների առջև՝ ռեժիսորը նպատակ ուներ խթանել պատանիների ստեծարարությունը՝ սահմաններ հաղթահարելու միջոցով։

Դասընթացը կազմակերպվել էր Բրիտանական խորհրդի հետ համատեղ Բրիտանական ֆիլմերի 12-րդ փառատոնի շրջանակներում, որին աջակցեցին Բիլայն ընկերության, ՅՈՒՆԻՍԵՖ-ը և Մեծ Բրիտանիայի դեսպանատունը Հայաստանում ։

 

 

{phocagallery view=tags|tagsid=70,}

 

 

Թումոն Լիտվայի անկախության օրվա կապակցությամբ համագործակցելով Լիտվայի դեսպանատան և Լիտվայի դեսպան Էրիկաս Պետրիկասի հետ կազմակերպեց «Ամենօրյա կյանք. սերունդների երկխոսություն» լուսանկարչական ցուցահանդեսի բացումը Թումոյում և բացառիկ երաժշտական ներկայացում լիտվացի երաժիշտ Ռեգիմենտաս Շիլինսկասի մասնակցությամբ:

 

Միջոցառումը մեկնարկեց Լիտվայի դեսպանի Էրիկաս Պետրիկասի և Թումոյի տնօրեն Մարի Լու Փափազյանի ողջույնի խոսքերով, որոնց հաջորդեց «Ամենօրյա կյանք. Սերունդների երկխոսություն» լուսանկարչական ցուցահանդեսի բացման արարողությունը, որն ընդգրկում է երեք սերունդների լուսանկարիչների աշխատանքներ: Դրան հաջորդեց լիտվացի երաժիշտ Ռեգիմենտաս Շիլինսկասի և Թումոյի երաժշտական նախագծի մասնակիցների համատեղ մշակած երաժշտական համարը լիտվական երաժշտական գործիք սկրաբալայով, որի ընթացքում երաժիշտները կատարեցին Հայաստանի և Լիտվայի հիմները:

 

Միջոցառմանը ներկա գտնվեցին Հայաստանում Լիտվայի դեսպան Էրիկաս Պետրիկասը, Ամերիկայի Միացյալ Նահանգների դեսպան՝ Ջոն Հեֆֆերնը, Հնդկաստանի դեսպան Հուրեշ Բաբուն, ինչպես նաև բարձրաստիճան հյուրեր այլ դեսպանատներից:

 

 

{phocagallery view=tags|tagsid=69,}

 

Թումո պատանիները ստանձնեցին Թումո անձնակազմի դերերը Ամանորի յուրօրինակ տոնակատարության ընթացքում: Waraq արվեստագետների կողմից կազմակերպած միջոցառման ընթացքում մասնակիցները կրեցին տարբեր աշխատակիցների դիմակներ որոնց թվում էին անվտանգության աշխատակիցները, դասընթացների ղեկավարները և Թումոյի գլխավոր տնօրեն Մարի Լու Փափազյանը:

 

Միջոցառման մասնակիցները շրջում էին շենքում դիմակներով և կատարում տվյալ աշխատակցի պարտականությունները: Նրանք զարդարեցին սենյակները, ընտրեցին երգացանկ, պատրաստեցին Ամանորյա բացիկներ և պատրաստեցին ուտելիքներ կաֆետերիայում: Յուրաքանչյուր խումբը ղեկավարում էր հենց այն աշխատակիցը, ում դիմակը կրում էր տվյալ խումբը:

 

Միջոցառումը շարունակվեց Ամանորյա խաղով, ինչպես նաև պարերով, որտեղ պատանիները ցուցադրում էին իրենց պարային կարողությունները: Թմբա-Թա խմբի անդամները նույնպես մասնակցեցին միջոցառմանը իրենց անակնկալ ելույթով:

{phocagallery view=tags|tagsid=59,}

 

Թմբա-Թա նվագախումբն առաջին անգամ պաշտոնապես հանդես եկավ Stop ակումբում: Նրանք կենդանի հնչողությամբ կատարեցին երգեր Թումոյի ձայնագրման ստուդիայում կատարված աշխատանքներից ինչպիսիք են՝ «Պզտիկ պապան», «էստի արի», և խմբի նույնանուն «Թմբա-թա» երգը:

 

30 Թումո պատանիներից բաղկացած խումբը ելույթ ունեցավ լեփ -լեցուն ակումբում, որտեղ հավաքվել էին խմբի երկրպագուները, ընկերները և ծնողները: Պատանիները կատարեցին ժողովրդական երգեր մատուցելով դրանք ավանգարդ ոճում: iPad-ների միջոցով ստացված էլեկտրոնային երաժշտությունը համադրվելով կենդանի երաժշտական գործիքներով ապահովեցին խմբի ելույթների հետաքրքիր և յուրօրինակ լինելը:

 

{phocagallery view=tags|tagsid=58,}

 

 

2013 թ. սեպտեմբեր ամսի վերջին երկու օրերի ընթացքում Թումոն հյուրընկալեց Գուգլ DevFest ծրագրավորման կոնֆերանսը, որը կազմակերպել էր Հայաստանի Գուգլի ծրագրավորողների խումբը՝ համագործակցելով Թումոյի հետ: Ծրագրավորողները, օգտվողներն ու ուսանողները մասնակցեցին ասուլիսին եւ քննարկեցին մոբայլ ու վեբ տեխնոլոգիաների մշակմանն ու ինտեգրմանը վերաբերող հարցեր:

 

 

Առաջին օրը բանախոսների մեջ ընդգրկված Միշո Բերանիդզեն ներկայացրեց Google Earth-ում եռաչափ մոդելավորման ու արտապատկերման մեթոդները, Սաթենիկ Մնացականյանը խոսեց հաջորդ սերնդի մարդ-մեքենա միջերեսի ու ամպային համակարգերի ծրագրավորման մասին, Գասպար Չիլինգարովը քննարկեց համաժամանակյա NodeJS գործարքների, ծրագրավորման վերջին գործիքների ու կոդի պարզեցման վերաբերող հարցերը, իսկ Տիգրան Ազատյանի խոսքը նվիրված էր մեծաքանակ այցելություններով կայքերի կառուցվածքի հիմունքներին:

 

 

Երկրորդ օրը կայացավ Գուգլ Գլասի ներկայահանդեսն ու ցուցադրումը ավագ ծրագրային ինժեներ Իար Մահանիոկիի կողմից: Իարը ներկայացրեց սարքի հնարավորություններն ու դրա օգտագործման ոլորտները, ապա շրջայց կատարեց Թումոյում՝ կատարելով Թումոյի առաջին Գլաս նկարահանումը: Ցանկացողները փորձեցին սարքի հնարավորություններն ու ծանոթացան ծրագրաշարային միջերեսին: Կարդալ ավելին>>

 

 

 

Լեգենդար ռոք երգիչ և երգահան  Յան Գիլանը իր մի քանի ընկերների  և ընտանիքի անդամների հետ  այցելեց Թումո:

Deep Purple խմբի հայտնի վոկալիստը շրջեց Թումոյում, ծանոթանալով յուրատեսակ ուսումնական մթնոլորտին, ունկնդրելով երաժշտական համարներ  Թումո պատանիների կատարմամբ և ստորագրություն թողնելով իր երկրպագուների համար:

 

«Ես ինձ զգում եմ ինչպես ֆիլմում, դուք բոլորդ հիասքանչ եք: Շնորհակալություն»,- գրեց Յան Գիլանը Թումոյի պատին մեկնելուց առաջ:

Գիլանը Հայաստանում էր Գյումրիում բացվող երաժշտական դպրոցի բացման կապակցությամբ: 1988թ․ Սպիտակի երկրաշարժից հետո Գիլանն ակտիվորեն մասնակցել է տարբեր բարեգործական նախագծերին: Տես ավելին>>

 

 

 

 

Թումոն հյուրընկալեց Կալիֆորնիա նահանգի Վեհաժողովի պատվիրակությունը՝ դառնալով Հայաստանի հանրապետություն ու Լեռնային Ղարաբաղ նրանց մեկշաբաթյա այցի մի մասը:

Թումոն դարձավ այն կանգառներից մեկը նրանց բազմազմաթիվ այցելությունների շարքում, որոնց ընթացքում պատվիրակությունը ծանոթանում է Հայաստանի տարբեր քաղաքական, կրթական ու մշակույթային հաստատություններին:

 

Թումոյի տնօրեն Մարի Լու Փափազյանը պատվիրակությանը ծանոթացրեց Թումոյի նախաձեռնության հետեւում կանգնած բովանդակությանը եւ հայ երիտասարդության ապագա առաջընթացն ապահովելու ձգտումներին՝ հատկապես ստեղծարար տեխնոլոգիաների ոլորտներում: Նրանք շրջայց կատարեցին Թումոյում, հնարավորություն ունեցան զրուցել ուսանողների հետ եւ պատկերացում կազմել նրանց ուսումնական փորձառության մասին:

 

{phocagallery view=tags|tagsid=34,}

 

 

 

Թումոն «Ոսկե ծիրան» կինոփառատոնի հետ համատեղ այս շաբաթ կազմակերպեցին մի շարք հանդիպումներ միջազգային ճանաչում ունեցող անձանց մասնակցությամբ:

 

Առաջին հանդիպումը տեղի ունեցավ մրցանակակիր կինոռեժիսոր Ատոմ Էգոյանի, հաղորդակցման մասնագետ Պատրիկ Սարկիսյանի և տրանսմեդիայի մասնագետ Դանիել Կալաբուգի հետ: Նրանք զրուցեցին «տրանսմեդիայի» մասին, թե ինչպես ստեղծել մի ամբողջական պատմություն՝ միավորելով տարբեր պլատֆորմներ:

 

«Սա հրաշալի հնարավորություն է հյուրընկալելու այնպիսի անձանց, ովքեր փորձում են կապոել ֆիլմարտադրությունը այնպիսի ոլորտների հետ, ինչպիսիք են խաղերի ստեղծումը և կայքերի մշակումը, – նշում է Բեկոր Փափազեանը, ով հանդիսանում է Թումոյի հոգաբարձուների խորհրդի անդամ և այս քննարկման մեկնաբանը։ «Տարբեր երկրների և մշակույթների ներկայացուցիչներից զանազան կարծիքներ լսելն արդեն  ահռելի կարևորություն ունի մեր ապագա մասնագետների մտահորիզոնի ընդլայնման գործում»։

 

 

Քննարկման մասնկիցները զրուցեցին արդի, իրենց մտահոգող թեմաների շուրջ, ինչպես նաև քննարկեցին հանդիսատեսի փոխվող վերաբերմունքը ֆիլմի և մեդիայի հանդեպ:

 

«Հանդիսատեսը միշտ էլ ցանկացել է ավելի ներգրավվել պատմության մեջ և այժմ տեխնոլոգիաները նրանց ընձեռում են այդ հնարավորությունը»,- ասաց Կալաբուգը, ով մասնակցում էր քննարկմանը Իսպանիայից առցանց տրաբերակով։ «Բայց խնդիրն այն է, թե որքան ենք մենք ցանկանում, որպեսզի հանդիսատեսը մասնակցի պատմության զարգացմանը»:

 

 

Չնայած հնչած տարբեր կարծիքների, բոլոր երեք մասնակիցներն էլ համաձայնվեցին, որ սոցիալական և տեխնոլոգիական նվաճումները լիովին փոխել են պատմությունների մատուցման ձևը:

 

Հանդիպումները շարունակվեցին նաև հինգշաբթի օրը, երբ Թումո հյուրընկալվեց փաստագրական կինոռեժիսոր Գոդֆրի  Ռեջջոյին:

 

«Երբ ես 13 տարեկան էի, որոշեցի հեռանալ տանից և գտնել այն ինչ ուզում եմ»,- հենց այսպես սկսեց իր խոսքն հայտնի ռեժիսորը՝ ոգեշնչելով ուսանողներին, ֆիլմի սիրահարներին և բոլոր ներկաներին հետևել իրենց ցանկություններին։ «Եթե ինչ որ բան եք ցանկանում անել, ապա երկար մի մտածեք, այլ ռիսկի դիմեք, մնացյալը ինքնըստինքյան կստացվի», հավելեց նա։

 

 

Ռեժիսորն իր խոսքում անրադարձավ նաև արվեստի և տեխնոլոգիաների կարևորությանը արդի իրականությունում: «Տեխնոլոգիաները ամենատարակարծիք այժմյան թեման են:  Այն ինքնին մի նոր շրջակայք է, այլ ոչ թե մի բան, որը մենք պարզապես օգտագործում ենք»։

 

 

Ավարտին կինոռեժիսորը հավելեց. «Ապագան հենց դուք եք, ստեղծե՛ք ձեր աշխարհը, ուրիշի աշխարհում ապրելու փոխարեն:»

 

Հայաստանի (հավանբար նաև Արևելյան Եվրոպայի) առաջին iPad նվագախումբը, որի ղեկավարն է կոմպոզիտոր և երաժիշտ Արամ Ռայնը, վերակատարեցին Գրեմմի մրցանակի ներկայացված իսպանացի երգչուհի Վեգայի ջազային հայտնի երգը՝ "Mejor Mañana" (Վաղն ավելի լավը կլինի):

Ի պատասխան՝ Վեգան դիտեց այդ տեսանյութն ու անձամբ իր շնորհակալությունը հայտնեց Թումoրքեսթրային. «Ես սիրեցի iPad նվագախումբը: Որքան երիտասարդ են և որքան տաղանդավոր: Ես վայելեցի նրանց ժպիտները, երբ նվագում էին իմ երգը: Շնորհակալ եմ: Ես միշտ ուրախանում եմ, երբ տեսնում եմ մարդիկ որքան հրաշալի բաներ են անում աշխարհով մեկ»:

 

Թումո կենտրոնի անունից մենք ցանկանում ենք անկեղծորեն շնորհակալություն հայտնել Վեգային իր դրական կարծիքի մասին մեր ուսանողների աշխատանքի վերաբերյալ՝ ցանկանով նրան լավագույնն իր գործուներության մեջ:

 

Խմբի կազմում – Աննա - առաջին դաշնամուր,  Մարտին – 2-րդ դաշնամուր, Ռոբերտ - սաքսաֆոն, Փեմմի – ստակատտո լարեր, Փիթեր – տրոմբոն, Մարգարիտա -բաս, Սոնա - ֆլեյտա, Լուսե- թավջութակ/լարային գործիքներ, Ապավեն – ռիթմիկ դաշնամուր, Վլադ – թմբուկներ: