Մեր միջավայրը
THE TUMOBILE
Working spaces at Tumo take various shapes, from 6-8 person round tables on wheels to freestyle sitting areas for working with mobile devices. But probably the most iconic of these workstation solutions is the Tumobile. An individual mobile workstation, the Tumobile is designed especially for Tumo by the well-known architect Bernard Khoury, who also designed Tumo’s interior Architecture. Tethered by their connection to the data and power network in the ceiling, Tumobiles have a wide area of mobility, allowing members to move them together for teamwork, pair them up with friends, or wheel them into a quieter spot for concentration.
Թումոն Երևանում զբաղեցնում է ավելի քան 6000 մ² տարածք ժամանակակից կառուցված շենքի առաջին երկու հարկերում: Այս տարածքը հատուկ նախագծվել է այնպես, որ համահունչ լինի Թումոյի ուսումնական համակարգի ճկունությանն ու թափանցիկությանը: Շենքի մյուս 4 հարկերը որպես գրասենյակային տարածքներ տրամադրվում են տեղեկատվական տեխնոլոգիաների և մեդիա ոլորտի ընկերություններին՝ որպես հնարավոր գործընկերներ Թումոյի կրթական գործունեությանը աջակցելու նպատակով: Վարձակալությունից ստացվող եկամուտը ապահովում է Թումո ծրագրի կայունությունը:
Թումո անդամների տրամադրության տակ է շուրջ 450 համակարգիչ՝ տեղակայված հատուկ ձևավորված շարժական կահույքի վրա ու հագեցած արտադրական չափանիշներին համապատասխան ծրագրաշարերով: Այս ամենին լրացնում են շուրջ 100 iPad-ներ ու այլ շարժական սարքեր, ինչպես նաև եռաչափ (3D) տպիչներ, երաժշտական ստեղնաշարեր, ֆոտոխցիկներ ու տեսախցիկներ: Թումո անդամները մուտք ունեն ժամանակակից չափանիշներին համապատասխան կինոթատրոն և հատուկ տեսախաղասենյակ՝ հագեցած բոլոր տեսակի ժամանակակից խաղային սարքերով, որտեղ նրանք մասնագիտանում են խաղերի մշակման ուղղությամբ, խաղում ու վերլուծում են առաջատար տեսախաղերը: Մտախթանման տարածքները ստեղծված են հարմարավետ միջավայրում վերլուծական միտքն ու թիմային աշխատանքը խթանելու համար: Տասնյակ լաբորատորիաներ հագեցած են մասնագիտացված տեսաձայնային սարքավորումներով, որտեղ էլ անց են կացվում Թումոյի աշխատարանները: Ե՛վ անդամները, և՛ աշխատակազմը կարող են օգտվել կաֆետերիայից, որը մաչելի գներով ապահովում է նրանց սնունդով երկարատև դասընթացների և արտադրական դասապրոցեսի ընթացքում:
Թումոն գտնվում է Երևանի ամենամեծ կանաչ հողատարածքներից մեկի՝ Թումանյանի այգու շրջակայքում, որը պահպանվում ու խնամվում է Թումոյի կողմից: Այգին հագեցած է սպորտի ու հանգստի համար նախատեսված տարածքներով՝ ներառյալ բասկետբոլի ու ֆուտբոլի դաշտերը: Թումո պլազան կապում է Թումո կենտրոնն ու Թումանյանի այգին. այն նորարար բացօթյա տարածք է՝ կառուցված ընդարձակ, եռանկյունաձև մակերեսներից, ջրային տարածքներից՝ ցայտաղբյուր, արտացոլվող ջրավազան, հարյուրավոր լուսադիոդներով հագեցած մեծ պատմական շատրվան ու ցայտող շատրվաններ:
Թումոն ունի նաև իր փոքրիկ մասնիկը Դիլիջանում, որ հովանավորվում է Հայաստանի կենտրոնական բանկի կողմից, ինչպես նաև ակտիվ աշխատանքներ են տարվում Հայաստանով մեկ և նրանից դուրս Թումո ծրագիրը ընդլայնելու ուղղությամբ:
