Երեխայի հովանավորում

Թումո ստեղծարար տեխնոլոգիաների կենտրոնը՝ որպես Սիմոնյան կրթական հիմնադրամի նախաձեռնություն, շահույթ չհետապնդող հաստատություն է, որը բաց է Հայաստանի և արտերկրի բոլոր պատանիների համար: 2011թ. սեպտեմբերին բացումից ի վեր՝ հազարավոր պատանիներ հնարավորություն են ստացել հաճախել Թումո: Մեր նպատակն է ընդլայնել երիտասարդների հորիզոնը և նրանց ռեսուրսներ տրամադրել իրենց ստեղծարար ներուժը բացահայտելու համար:

Ամառային ճամբարը ստեղծված է ապահովելու համարժեք Թումո փորձառություն բոլոր ճամբարականների համար և աջակցելու նրանց Հայաստանի տարբերի շրջանների և արտերկրի երիտասարդների հետ շփմանը:

Ձեր նվիրատվությունը կօգնի Հայաստանի շրջանների պատանիներին գալ Երևան և մասնակցել Թումո ճամբարին: Եթե ցանկություն ունեք հովանավորելու երեխայի Հայաստանի գյուղական համայնքից, որպեսզի նա հաճախի Թումո ճամբար, խնդրում ենք ստորև ծանոթանալ պայմաններին:

Ձեր օժանդակության շնորհիվ այս երեխաներից շատերը հնարավորություն կունենան այցելել Երևան և դառնալ Թումոյի մի մասը: Յուրաքանչյուր հովանավորված երեխայի ճամբարի ծախսերը ներառում են ուսումնական միջոցառումներ, սնունդ, այցելություններ այլ վայրեր, փոխադրամիջոց, ուղեկցող և բնակություն Երևանում:

Ավելին, ձեր ներդրումը կհրապարակվի մեր կայքում, իսկ մենք, ցանկության դեպքում, կօգնենք կապ հաստատել ձեր հովանավորած երեխայի հետ: