Ջորդի Ադրիան Լոնդոնում աշխատող լուսանկարիչ է, ով սկսել է իր գործունեությունը՝ որպես ֆոտոլրագրող իր հայրենի Իսպանիայում: 1996 թ. նա տեղափոխվում է Լոնդոն՝ իսպանական El País, El Mundo, ABC, El Periódico թերթերի համար թղթակից աշխատելու համար, ինչպես նաև Marie Claire Spain և Vogue Spain ամսագրերի համար:
Ավարտելով Վեսթմինսթեր համալսարանի Կինոյի և հեռուստատեսային արտադրության բաժինը՝ Ջորդին իր գործունեությունը ծավալվում է նոր ուղղութամբ՝ գովազդային լուսանկարչության ոլորտում, որտեղ նա բացահայտում է նոր և լիովին տարբեր ուղիներ լույսի և լուսանկարչության ընկալման հարցում: Կարդալ ավելին >>
Երկու շաբաթների ընթացքում գովազդային և խմբագրականի լուսանկարիչ Ջորդի Ադրիան վարեց աշխատարան Թումոյում, որ նվիրված էր որակյալ դիմանկար ստանալու տարբեր եղանակներին:
Թումո պատանիները հնարավորություն ունեցան ուսումնասիրելու լույսի տարբեր աղբյուրները, որ հասանելի են ստուդիայից, լուսարձակներից, ցերեկային լույսից, և թե ինչպես կիրառել դրանք տարբեր դիմանկարներ ստանալու համար:
Այդ դասընթացի ընթացքում մասնակիցները սովորեցին ճիշտ ընկալել տեսախցիկի պարամետրերը, դրա առանձնահատկությունները և դրանց օգտագործումը: Պատանիները կտիրապետեն նաև վերջնական խմբագրումներ կատարելու և Photoshop ծրագրի օգնությամբ դիմանկարներ հղկելու հմտություններին:
Դիմանկարային լուսանկարչության դասընթացի ամբողջական արդյունքները կարող եք դիտել այստեղ։