Հուշամատյանի հիմնադիրների մասին

Վահե Թաշճյանը, պատմաբան, ծնվել է Լիբանանում: Նա Փարիզում է պաշտպանել իր դոկտորականը պատմության եւ քաղաքակրթության բնագավառում։ Վահեն բազմաթիվ գիտական հոդվածների եւ գրքերի հեղինակ է։  Նա այժմ ապրում է Բեռլինում և «հուշամատյան» նախագծի ղեկավարն ու գլխավոր խմբագիրն է:

Էլկե Հարթմենը, պատմաբան, օսմանագետ, ուսումնասիրել է պատմություն եւ մերձարևելյան/ իսլամական գիտություններ Բեռլինում: Մասնագիտանալով 19 - րդ դարի վերջի և 20 - րդ դարի սկզբի Օսմանյան եւ Արեւմտյան Հայաստանի պատմության մեջ՝ նա կատարել է լայնածավալ ուսումնասիրություններ Օսմանյան պետական արխիվներում՝ օգտվելով նաև մի շարք հայկական  աղբյուրներից։  Այժմ նա բնակվում է Բեռլինում և հանդիսանում է «հուշամատյան» ասոցիացիայի նախագահ։

Սիլվինա Տեր Մկրտիչյանը ծնվել է Արգենտինայում,1988 թ․-ից ապրում է Բեռլինում։ Նրա աշխատանքային ոճը շատ տարաբնույթ է (ինստալյացիաներ, վիդեո, ձայն, երկծավալային պատկերներ, և այլն)։ Աշխատանքները ցուցադրվում են միջազգային հարթակներում և պատկերասրահներում: Սիլվինան  հայ նկարիչների UnderConstruction հարթակի նախաձեռնողն է և 2010 թ․ - ից հանդիսանում է հուշամատյան կայքի արտ տնօրենը։