Խորհրդային ժամանակակից ցուցահանդես և քննարկում
2014-12-11
ՆՈՐՈՒԹՅՈՒՆՆԵՐ
Շաթաթ օրը՝ դեկտեմբերի 13-ին ժամը 17:00-ին Թումոյում կմեկնարկի Այլ հասարակության հետքերով մեկ շաբաթ տևողությամբ լուսանկարչության ցուցահանդեսը, որին կհաջորդի հանդիպում քննարկումը:
Ցուցահանդեսը կընդգրկի վիզուալ արվեստագետ Կատարինա Ռոտերսի վեց շաբաթ տևողությամբ ճարտարապետական լուսանկարչության դասընթացի արդյունքները: Մասնակիցները կենտրոնացել են ներկայացնելու, թե ինչպես է քաղաքային ճարտարապետությունը արտացոլում մարդկանց կյանքը: Նրանք ուսումնասիրել են ճարտարապետական լուսանկարչության մեթոդները, լուսանկարելով Խորհրդային ժամանակակից ճարտարապետական կառույցները Երևանում:
Քննարկման կմասնակցեն արվեստի քննադատ Ռուբեն Արևշատյանը, վավերագրական լուսանկարիչ Հայկ Բիանջյանը և Կատարինա Ռոտերսը: Քննարկումը կվարի ճարտարապետ Սարհատ Պետրոսյանը:
Ցուցահանդեսը և քննարկումը բաց են հանրության համար: