2015-01-30
Թումոյի դասընթացավար Նատաշա Գալֆայանը փետրվար ամսից սկսած կղեկավարի դասընթաց նվիրված հին կահույքի վերակենդանացմանը: Մեկ ամիս տևողությամբ դասընթացի շրջանակներում պատանիները կսովորեն նոր կյանք պարգևել հնացած իրերին:
16 Թումոցիներ կաշխատեն երկու խմբով օգտագործելով աթոռների վերականգնման երեք մոտեցումներ: Նրանք կստեղծեն նոր ծածկույթներ՝ պահպանելով սկբնական ձևը, աթոռները կդարձնեն բազմաֆունկցիոնալ (օրինակ՝ աթոռ-գրասեղան համադրություն) կամ կստեղծեն լիովին նոր արտադրանք: Մասնակիցները կօգտագործեն ոչ ավանդական նյութեր, օրինակ պայուսակներ, կպչուն ժապավեն, բուրդ և այլն: Դասընթացի ավարտին ուսանողները կսովորեն նախագծել, իրականացնել և իրենց աշխատանքը դարձնել ցանկալի շուկայի համար:
Նատաշան փորձառու ինտերիեր դիզայներ և արտ տնօրեն է: «Ես ցանկանում եմ պատանիներին ցույց տալ՝ ինչպես իրերին նայել նոր դիտանկյունից», ասում է Նատաշան: «Ակնկալում եմ ուսանողներից լինել ճկուն և պատրաստ առաջարկելու բազմաթիվ լուծումներ, որոնք կծառայեն վերջնական արդյունքները ձևավորելուն»: