2015-02-05
Թումոյի խաղերի ստեղծման հիմնական դասընթացների մասնակիցներն այժմ հնարավորություն ունեն օգտագործել խաղերի ստեղծման ամենահանրահայտ շարժիչներից մեկը՝ Unity-ն:
Նախկինում Թումոյի խաղերի ստեղծման դասընթացների ուսանողներն օգտագործել են GameMaker և CryENGINE հարթակները: Այժմ ավելի քան 60 ուսանող օգտագործում են Unity հարթակը, որը ներառում է գործիքներ 2D և 3D ինտերակտիվ բովանդակություն ստեղծելու համար: Ուսանողներն օգտագործում են Unity շարժիչը՝ հարթակ, որն օգնում է նրանց բացահայտել սեփական ստեղծարարությունը և հետագայում ընդլայնել իրենց գիտելիքները JavaScript-ի նման ծրագրավորման լեզուներում: Unity-ն նաև օգտագործում է C#՝ խաղերի նախագծման ոլորտում և գնալով դառնում ավելի օգտագործվող ծրագրավորման լեզու:
Unity-ն կուսուցանվի խաղերի ստեղծման բոլոր մակարդակներում և կօգտագործվի մյուս շարժիչների հետ մեկտեղ: Այս տարվա ընթացքում առաջադեմ մակարդակի ուսանողները հնարավորություն կունենան մասնակցել Unreal Engine շարժիչի դասընթացներին, որոնք կվարի Weplay.Media-ի և THQ Digital Studios-ի գլխավոր դիզայներ Արա Շիրինյանը: