Մեկնարկեց թվային արվեստի աշխատարանը
2013-04-05
ՆՈՐՈՒԹՅՈՒՆՆԵՐ
Թումոյում մեկնարկեց նոր աշխատարան, որի ընթացքում պատանիները ուսումնասիրելու են թվային արվեստի տարբեր դրսևորումները՝ Քամի Աբրահամյանի մատուցմամբ:
Մասնակիցները հնարավորություն կունենանկիրառելու թվային մեդիայի հետևյալ միջոցները ՝ ընդհատվող շարժում, թվային կոլաժ, շարժանկարում, gif ստեղծում, ձայնային կոլաժ: Ճկուն և դինամիկ ուսումնական միջավայրում նրանց առիթ կտրվի կենտրոնանալ կա՛մ մեկ գործիքի վրա, կա՛մ ուսումնասիրել բոլոր գործքիները:
Աշխատելով անհատապես կամ փոքր խմբերով՝ մասնակիցները կստեղծեն վերջնական միասնական նախագիծ հետևյալ թեմաներով՝ հիշողություն, պատմություն, ժամանակ, ընկալում, երազներ: Աշխատարանի արդյունքում կստեղծվեն մուլտիմեդիա թվային արվեստի նմուշներ, որենք կցուցադրվեն ցուցահանդեսի ժամանակ։
Քամի Աբրահամյանը թվային արվեստագետ է, ով աշխատում է կինոյի, լուսանկարչության և նմանատիպ ոլորտներում: Նա Հայաստանում շատ ժամանակ է անցկացնում, եթե չի ճամփորդում կամ սովորում: Ներկայումս Քամին սովորում է Շվեյցարիայում՝ հետազոտելով թվային մեդիայի կիրառությունը արտահայտչական արտ թերապիայի և կրթության մեջ: