Թմբա-Թա նվագախմբի նոր ձայնասկավառակը
2014-11-20
ՆՈՐՈՒԹՅՈՒՆՆԵՐ
Վերջին մեկ ամսվա ընթացքում Թումոյի <<Թմբա-Թա>> նվագախումբը ձայնագրում է իր նոր ձայնասկավառակը: Երեսուն Թումո պատանի մասնակցում է ձայնագրման ընթացքին, ինչպես նաև բազմաթիվ Թումո անդամներ ևս միացել են ձայնագրման աշխատանքներին:
Ձայնասկավառակը կըդգրկի տաս երաժշտական կատարում` էլեկտրո, ռոք, բլյուզ և հայկական ֆոլկ ոճերում համադրված: Վերջնական ձայնասկավառակը կընդգրկի այնպիսի հայկական երգեր, ինչպիսիք են՝ «Գեցեք տեսեք», «Հաբրբան» և «Պստիկ պապա», որտեղ նվագախմբի մենակատարներից մեկը կատարում է ռեփ ֆրանսերենով. կլինի նաև Ֆրեդ Մըքդոելի «You got to move» երգի տարբերակը:
Ձայնասկավառակը լույս կտեսնի հաջորդ ամիս <<Թմբա-Թա>>-ի համերգի ընթացքում Թումոյում:
<<Բամբիռ>>-ի երաժիշտ Արիկ Գրիգորյանը ղեկավարում է <<Թմբա-Թա>> պատանիների խումբը, որի ընթացքում պատանիները պատկերացում են կազմում ռիթմի, ֆոլկ երաժշտության և մեղեդայնության մասին: Խմբի պատանիների հիմնական մասը չունի երաժշտական կրթություն և սա նրանց առաջին փորձն է երաժշտության ոլորտում: Նոր անդամները միշտ սպասված են Թմբա-Թա նվագախմբում: